Sunnivafestspela

Nytt:

Pressemelding

Stiftinga Sunniva - Lyset frå Selja er under avvikling

Det har over tid vore vanskeleg å få folk til å ta styreansvar i Stiftinga, og dermed har slitasjen på eit redusert styre vorte for stor.

Denne slitasjen kjem m.a. av at det har vorte ekstremt vanskeleg å skaffe nye sponsorar så økonomien har vorte svært trang.

På generalforsamlinga 15.12.10 vart det gjort vedtak om generalforsamlinga såg det som uråd å halde fram med drifta etter føremålet under dei tilhøve ein no har, og det sitjande styret fekk i oppdrag å gjere det som trongst for å avvikle noverande drift. Dette er no gjort.

Sunnivakoret er eigen organisasjon og held fram etter dei planar dei har lagt.

Selje 21.02.2011

Laura-Marie Fure Jermund Rekkedal Bjørn Jensen

Velkomne til Selje

Selje kommune har eit rikt mangfald av natur, kulturlandskap og historie. Med Selje kloster og helgenanlegget, legenda om St. Sunniva, det eldste pilegrimsmålet i Noreg, Stad med eit nydeleg landskap og kvite sandstrender, kan vi tilby mange kultur og naturopplevingar i Selje.
I år er Sunnivafestspela lagt til siste veka i august.
Vi er svært glade for at mange bidreg og arbeidar for å formidle historia, legenda om Sunniva og andre opplevingar vidare til dei som tek turen til Selje desse seinsommardagane.
Utstillingar av lokale, regionale og nasjonale kunstnarar vil også vere å finne i Selje, til glede og til inspirasjon for oss alle.

Med helsing

Gunn R. V. Helgesen
Ordførar